لامؤاخذه مراتي في الجيش أيه ياعم العنوان الغريب ده وأنت مستغرب ليه يا حج ده حقيقي مراتي جالها استدع لاداء الخدمه الوطنيه أنت ياض شارب حاجه ولا معمولك عمل في ليلتك السوده دي والله انا لاشارب ولا معمولي عمل يا ابا مراتي راحت الجيش راحت الجيش ازاي يا ابن… ….والعيال دي مين هيقعد بيها. طب هعمل ايه يا حج طيب حق البلد بلد مين دي اللي تاخد واحده من حضن عيالها وجوزها أنت مسألتش ليه ابوها قبل الجواز طيب. سألته والمصحف وقالي قضت الخدمه وطلعت متخلفه. ولما هيه مخلفه قبل كده اتجوزتها ليه يا اهبل. لا ياحج متخلفه يعني مارحتش الجيش. يعني زكي الاعور لبسنا العمه ياض. اه يا حج .اه ياحج وانت هتسيبه يلبسنا العمه ياض. لا يا حج ما انا رحتله قالي مصاريف جيشها عليه. الله يرحمك يا رجوله ياض مصاريف ايه يا عبيط اللي بتتكلم فيها العيال دي مين هيقعد بيها. ما انا هوديهم عند حماتي ياحج. عيالك هيقعدوا سنتين عند حماتك ده انا هنفخك انت وحماتك. اهدي بس ياحج. اهدي ايه اجري ياض اتصل علي مراتك قولها تيجي حالا. مرات مين ياحج. مراتك يا ابن الهبله. ياحج تيجي ايه بقولك في الجيش. بقولك ايه متجننيش بلا جيش بلا هباب الست ملهاش غير بيت جوزها أيه مراتك هتحارب اسرائيل يا وله وانت قاعد في البيت زي خيبتها. ياعم حرب ايه بس. اجري ياض نادي حماك قوله ابويه الحج عاوزك بدل ما اروح اجيبه من كلسونه. يا حج اهدي والراجل ماله ده قانون نازل جديد. قانون ايه يا اخويه! بلا قانون بلا زفت روح جر حماك من شعره هنا وتعالي. حاضر يا حج مشهد 2 سلامو عليكوا يا حج. اهلا يا ذكي يا اقرع انت ياض تلبسني انا العمه. طب استئذن انا ياحج عشان رايح الشغل. شغل ايه يابني الساعه 8بالليل ده. خليك معايه انا يا اقرع سيبك من الواد. فيه ايه ياحج سيد مالك يا اخويه شايط فينا كده. شايط ايه ده انا هخلي وشك يولع دلوقتي انت ازاي ياراجل تدينا البت من غير شهاده الجيش. شهاده ايه يا اخويه ما اديلك عليها ضمان خمس سنين احسن. لا والله دمك شربات انت بتتريق عليه بعد مالبستني العمه يا اقرع. وياتري بنت دخلت سلاح ايه صاعقه وبتاكل تعابين ولا سلاح مشاه عشان تمشي علي حل شعرها. لا لا انا مسمحلكش ياحج سيد أحفظ لسانك وخليك مؤدب. مؤدب ايه ده انا هنفخك انا اجي بيت ابني مالقيش مراته فيه ليه. نصيبك كده ياعم هنعملك ايه اعتبرها غضبانه. حلو غضبانه نصالحها ونجيبها لكن ده نعمل فيه ايه. ماتعملش حاجه اعتبر جالها عقد اعاره. حلو ايدك علي فلوس العقد. ياعم فلوس ايه اعتبرها ماتت. حلو مالكش عندنا حاجه وخد العيال معاك واحنا نجوز الواد تاني. فيه ايه ياعم مالك اهدي بس وقولي فيه ايه. فيه ايه ازاي انت ياراجل مبتحسش ماعندكش دم انت جايب البرود ده منين. يا حج سيد عيب قولي عاوز ايه بس. عاوز ايه انا بقالي ساعتين هنا ومحدش جابلي كوبايه شاي ولا حتي لقمه اكلها. انت يا اخويه عامل الهيصه دي كلها علي كده بسيطه ياعم انا اعملك الشاي واكلك. والله فكره ماشي مش انت اللي عامل ناصح وتضحك عليه البس بقي. ماشي يا سيدي ولا يهمك مشهد 3 مساء الخير ياحج. مساء النور يا دفعه حمدالله ع السلامه خد يا ذكي يا اقرع تعالي سلم ع الدفعه. حمدالله ع السلامه يابنتي. الله يسلمك يا ابا ماله عمي زعلان ليه. يلا بس انتي غيري هدومك واعملي لعمك لقمه ياكلها. نعم نعم نعم لقمه ايه لا بقولكوا ايه 
انا مزوغه ولازم اكون في الكتيبه الصبح. الله الله الله سامع يا اقرع بنتك مزوغه زغرتي يا انشراح مررررات ابنك مزوغه. فيه ايه ياعمي انت هتسيحلي لا بقولك ايه اقف معوج واتكلم عدل. اقف ايه يا حبيبتي سامع يا ذكي يا اقرع بنتك بتقول ايه. عيب يا حبيبتي مهما كان ده عمك. لا بقولك ايه انت وهوه كل واحد فيكوا كده يلم عضمتينه ويوريني عرض اكتافه انا جايه تعبانه ومش طايقه حد وعفاريت الدنيا بتتنط في وشي. والله زين ما ربيت يا اقرع بنتك هتضربنا. بقولك ايه بحنجرتك دي مرات ابنك الغلبانه المسهوكه بتعت زمان دي انساها انا دلوقتي عسكري البدله الميري دي ايدك ماتجيش عليها والا هقطعهالك انا دلوقتي بتعلم تايكوندو وكاراتيه الجيش المصري مصنع الرجال. مصنع ايه يا حبيبتي سامع اللي بتقوله بنتك يا ذكي جوزت ابني لراجل زيه ده انا هخرب بيتك. تخرب بيت مين ياعم ليه هوه مخلف سوسن يلا من غير مطرود عاوزه ارتاح. طب معلشي يا مرات ابني نزلي ايدك عيب ده انا ابو جوزك. والنبي لو جوزي نفسه غلط في ابويه ما اسيبه يلا يا حبيبي اتكل علي الله عاوزه انام. خلاص يا ذكي بقي يلا بينا البنت جايه تعبانه تصبحي علي خير يا حبيبتي. وانت من اهله يا اخويه خد الباب وراك
